Gañaremos seguro: venceremos nós

Gañaremos seguro: venceremos nós

_MG_2172En novembro de 2014 presentábase ante a cidade o proxecto político de Ourense en Común. Daquela a ilusión era máxima para construír unha candidatura cidadá e de confluencia, unha candidatura honesta, cuns principios básicos e un obxectivo claro: Gañar Ourense. Gañar Ourense para transformalo, para mudar os xeitos de participar en política e, en definitiva, para devolverlle o protagonismo á xente, ás persoas, ao pobo.

Daquela, lembrade, o peche do acto Ourense Ben Común remataba cantando aquel “Venceremos nós”, unha versión renovada do clásico de Peter Seeger, xa versionada por Luis Olivares ou máis recentemente polo Neno Eliot, pero máis que un himno, unha declaración de intencións.

E hoxe a candidatura de Ourense en Común e xá unha realidade. A ilusión medrou e medrou, non sen dificultades, pero agora máis forte que nunca, máis claro que nunca, Ourense en Común está reforzado como espazo de construcción dun modelo de cidade. E así o quixeron deixar claro as candidatas na súa primeira rolda de prensa ante os medios de comunicación ourensáns. Na posta en escena en Magma Espacio, lembraron que gañar é o obxectivo pero, gañar non a calquera prezo.

_MG_2170

O candidato número tres da lista, Martiño Xosé Vázquez, destacou que “para nós gañar Ourense non é gañar as eleccións, nin sequera o goberno municipal. Nós gañamos seguro, porque imos desenvolver un proceso completo, se conseguimos establecer en cada barrio do Concello de Ourense un grupo de traballo. Constituír mesas sectorias de xeito permanente, xa gañamos, porque estamos transformando a realidade social do Concello”. Establecer un método de traballo que permita facer de interlocutores entre a administración, os técnicos e as persoas Estamos convencidas, gañaremos seguro!.

OueC quere e aspira a facer cidade, unha cidade para as persoas e por iso facemos cidade, construímos cidade e o único xei de facelo é a través da cidade, en contacto coa xente nos barrios e nas mesas sectoriais.

O histórico líder do movemento veciñal nos barrios de Ourense, Miguel Doval, é o home que encabeza a lista e para el tamén é a oportunidade de poñer en práctica “todo o que levo 20 anos predicando nos barrios”. É o momento e destacou que “queremos rachar conceptos, a participación cidadá é o máis importante, e o noso programa vai estar en contínua evolución, seguindo a evolución da cidade”. Para Doval, o protagonisto está nas cidadás que queremos “ser protagonistas do noso propio destino” construíndo a cidade que queremos. E unha resposta clara a unha pregunta “Gústame Ourense en Común porque dende o principio sentinme cómodo e máis novo”, dixo Doval. “Se te sinalan co dedo un montón de xente nova, para min é un orgullo. E ainda por riba teñen a ocurrencia de facer o que levo predicando toda a vida: partipación, como ía negarme?”.

Miguel si que hai necesidade de meterse en fregados coma este, e como negarse?

Somos cidadás actoras da política municipal e queremos que as veciñas tamén o sexan e todas teñamos voz non só fóra senón tamén dentro da institución. E así as candidatas llo trasladaron aos medios, que tamén serven para que esta ilusión chegue a máis xente.

Seguimos adiante, mirando de fronte porque como dixo a número dous, Ledicia Piñeiro, “a xente que soubo entender este novo método seguimos aquí, seguimos sendo Ourense en Común”.

Coa lista pechada e xa en precampaña toca traballar e para iso xa comezou o traballo hai oito meses e despois dunha análise das máis dun cento de propostas recibidas o programa sairá á luz o vindeiro 30 de abril. O primeiro programa colaborativo de Ourense feito en común pola xente de Ourense, expertos, veciñas, activistas, militantes de organizacións politicas, xuntas!.

E para difundir e amplificar esta mensaxe e como explicou a candidata número seis Mavi Calviño “faremos unha campaña, austera, honesta, diferente e tiraremos da creatividade da xente que estamos en Ourense en común para que sexa atractiva para o cidadán” e destacou “vai ser unha campaña totalmente transparente como as nosas contas publicadas dende o minuto un na nosa páaxina web”.

Un equipo de xente traballa xa na organición desa campaña, xa a veremos…. e xa vos iremos contando. Permanecede atentas!.

Sodes parte da historia

Sodes parte da historia

fb15861586 persoas participaron esta fin de semana nas Primarias Cidadás Abertas de Ourense en Común A elevada participación, con 1586 votos emitidos, ao longo das dúas xornadas electorais amosa o desexo da cidadanía ourensá de cambiar a política do concello. O resultado e a lista provisional de candidatas de Ourense en Común farase pública este luns 16. Ofrecerase un adianto dos resultados a cabeza de lista ás 23:59h. Ao remate do escrutinio, de madrugada, enviarase nova información cos resultados escrutados ao 100%.

Ourense en Común fai historia batindo o record de participación nunhas primarias para elixir unha candidatura ao goberno do Concello de Ourense. Unha lista que por primeira vez é escollida pola cidadanía. Con 677 votos na primeira xornada e 909 na segunda suman un total de 1584 votos recollidos nas dúas mesas electorais situadas no Ateneo e mais no Hotel Francisco II. Esta alta participación, que rachou con todas as espectativas, amosa o interese da poboación de participar activamente na vida política municipal co afán de mudar a actual situación de desgoberno. En cumprimento do Regulamento para unhas Primarias Cidadás Abertas darase a coñecer un avance do escrutinio do cabeza de lista ás 23:59h de hoxe domingo. Ao remate completo do escrutinio emitirase unha nova nota de prensa informando dos resultados totais. Agárdase que se produza de madrugada debido ao laborioso do proceso. Na mañá do luns 16 farase pública a lista provisional coa que o proceso de confluencia Ourense en Común concorrerá ás vindeiras eleccións municipais de maio de 2015. Ourense en Común quere agradecer a confianza depositada no proceso a tódalas persoas que se achegaron durante estas dúas xornadas para participar masivamente nas primeiras Primarias Cidadás Abertas que se celebran en Ourense e que agardamos non sexan as derradeiras. A valoración que facemos dende Ourense en Común non pode ser máis que positiva, esta concorrencia masiva reforza o desexo de seguir traballando de cara a construír unha cidade das persoas e para as persoas, un goberno que mande obedecendo ao pobo.

 

OURENSE BEN COMÚN

OURENSE BEN COMÚN

“Cando a tiranía é lei, a revolución é orde”. Parafraseando a Calle 13 (que a súa vez colleu o lema de Pedro Albizu Campos, combatente pola liberación de Porto Rico), Martiño Xosé Vázquez rematou a súa intervención no acto #OurenseBenComún. Engadindo que se a tendencia non muda, terá que unirse (cos seus títulos universitarios) á maioría dos seus amigos, que se viron obrigados a buscar a vida no exterior por falta de oportunidades na terra.

foto1A presentación de Ourense en Común tras acadar o primeiro obxectivo fixado, as 1.500 sinaturas como aval ao proxecto, foi unha grande asemblea no Campus na que as ourensás e os ourensáns (da cidade e das aldeas) puideron escoitar qué é OeC, cales son os seus principais cometidos e cara onde se dirixe esta marea cidadá sen mar, co Miño de columna vertebral. Puideron escoitar e tamén participar e expoñer as súas inquedanzas e as súas pegas.
foto2E é que cando a desesperanza se converte en enfado, entón si, hai que facer algo! Non hai mellor esterco ca xenreira, a rabia para a toxicidade, para un vivir sombrío. E sempre se pode facer algo para cambialo, ata os desesperanzados poden intentalo.
Cando lees os xornais sabendo que non hai defensa dos desfavorecidos, se unha mañá máis escoitas a radio agardando o próximo imputado, cando acendes a tele e volves apagala, compañeira, compañeiro, tes que facer algo. E por fin, tras anos e anos no papel de vasalos, hai onde amarrarse. foto3O 15M foi o xérmolo da implicación política dos de a pé. Berrarlle á pantalla tonta, despotricar nas redes sociais non fixo efecto e houbo que saír ás rúas, ás prazas para unirse cos que levan quilómetros de activismo nos pés e seguen portando faixas. Agora chegou o momento de gañar, de tomar as institucións para a cidadanía.
foto4Transparencia, participación e horizontalidade, os tres piares organizativos fundamentais de OeC, quedaron reflictidos nas breves e concretas explicacións dos voceiros de cadanseu grupo de traballo. A palestra encheuse de verbas para o cambio e desa enerxía que recenden os que cren no que falan, os que cren no que fan. As mans de fronte, respondían.
foto5
Só se pode gobernar para todas e todos, se antes de crear as ferramentas precisas para a participación directa, se pensa no ben común. Ata agora só se lles permitiu chegar aos gobernos a individuas e individuos que unicamente pensaban no resto (máis ben en empresas ca en persoas) se tiñan riqueza que ofrecerlle, se lle posibilitaban perpetuarse no poder con artimañas non só ilegais senón ademais carentes de ética algunha.
Un Ourense habitábel para todas e todos é unha cidade solidaria, unha cidade sustentábel (a ecoloxista María Durán explicando os medios no salón de actos amosouna realizábel).

foto6E isto está por construír, entre todas e todos. A confluencia de forzas, as sinerxias de ideas poden crear un programa para un municipio no que os servizos públicos (renovados, reforzados) chegen sobre todo a quen máis os precisa, no que a cultura tamén poida ser un xeito de vida, unha opción de enriquecemento intelectual e de ocio ( ninguén en Ourense como a invitada Ánxeles Cuña para explicar nesta presentación o esquecemento das administracións á cultura e á educación).
foto7Quixeron ir ao grao, directos, non hai tempo, cada día que pasa é un día cara o empeoramento. Pediron voces para engadirse a este espazo común, para modelar entre todas e todos, os medios máis axeitados para chegar aos feitos.
Unha posta en escena clara e dinámica que trasmitiu máis dixerible a mensaxe. E remataron coa guitarra e o acordeón, con ese xa popular chamamento de Pete Seeger a vencer, contra o medo e cantado en galego. Un bo final para algo que comeza, en ti tamén está chegar aos feitos.­
foto8

1.500: Chamamento

1.500: Chamamento

1.500: CHAMAMENTO

OBXECT1500

Para validar a candidatura Ourense en Común marcámonos como reto ter 1.500 sinaturas na simbólica data do 11 de novembro. Onte, unha semana antes do previsto (5/11/2014), a nosa páxina web superaba esta barreira anticipando o cronograma. Agora, unha vez avalada e confirmada esta candidatura, a facemos un chamamento a todas as organizacións políticas e sociais de Ourense para poñer en común todas as ideas e proxectos colectivos que percorren o concello, para que sexan enriquecidas polo contacto coa cidadanía e impulsalas de xeito que cheguen a ser determinantes no futuro goberno municipal.

Este proceso de validación culminará nunha grande asemblea cidadá aberta para todas as veciñas e veciños de Ourense. Un foro social que se celebrará antes de que remate o mes de novembro e que dará comezo a un proceso de encontros por barrios e sectores nos que se construirá de modo participativo un programa electoral.

Adiante

No anterior post falamos da presentación do proxecto de Ourense en Común do xoves 18 de setembro na Praza Maior de Ourense. Un día gris, chuvioso… deses días sen luz tan nosos, tan galegos. Con todo, como poden observarse nas fotos algo prendeu nesa xornada que nin choveu por nós nin tivemos frío.  Malia a proximidade da espida pedra do edificio municipal, ese día non tivemos frío. E non o tivemos porque cada desexo, cada persoa alí presente, arroupaba e alumeaba máis que calquera lareira. Cada unha das alí presentes falaba, escoitaba, apoiaba… Sen dúbida, moitas foron as reflexións e moitas as ilusións alí espertadas. Pouco a pouco iremos compartindo todas neste blogue, de momento queremos presentarvos as estatísticas do panel de diagnose participada dos nosos barrios.
impacto_barrios
Á primeira pregunta pretendía obter un mapeado base e rápido sobre que impacto estaba a ter o proxecto de participación cidadá no concello. O resultado, en parte agardado pola climatoloxía do día e a localización da propia presentación, deixa ben as claras a necesidade de expandir o proceso a todo o territorio municipal empoderando barrio a barrio neste proceso de construción dun Ourense en Común. É necesario fuxir de vellas dinámicas centro-periferia, arriba-abaixo tan habituais no pasado.

Así é que a problemas: solucións!! A partir deste luns e durante todo o mes, as veciñas e os veciños que creemos nun Ourense en Común sairemos á rúa para presentar a iniciativa, sumar apoios en todos e cada un dos barrios do noso concello e, se é posible, crear redes de barrio que serán esenciais se conseguimos as 1.500 sinaturas de validación. Se queredes consultar o mapa-axenda destas semanas premede neste link.
problemas
A segunda pregunta pretendía obter unha diagnose superficial dos principais problemas detectados polas persoas participantes no encontro. Tentando asemade aventurar posibles solucións, cuestións lanzadas nos seguintes apartados.

Os resultados deixaron ben as claras que o emprego é unha das eivas principais no noso día a día, sumado a un claro conflito demográfico como é o envellecemento da poboación e a emigración da xuventude. Un serio problema que algún día terá que ser afrontado non só a nivel municipal senón que tamén provincial. Pero sumados a estes problemas destacan outros como o deterioro nos barrios, a falta de servizos e a falta de apoio das institucións ou a nula posibilidade de participación nas mesmas. Cuestións todas elas con solucións posibles e próximas que poden mudar con vontade. Se cadra non podemos mudar o mundo pero si o noso concello. Think global, act local. Asina e participa.
solucions

Na praza

Hoxe é un dia importante para a cidade de Ourense, arranca un proceso de transformación liderado pola cidadanía, por todas as persoas que estamos aquí e polas que se vaian unindo. Isto é un proceso aberto, participativo, de crecemento local. Isto é Ourense en Común.

Aberto e participativo, porque cabemos todas as que queiramos contribuír á gañar a cidade, dende abaixo, superando o nepotismo e os gobernos “por” e “para” uns poucos. Non podemos e non debemos seguir a senda da resignación ante o desgoberno, a corrupción e a impunidade de políticos que dirixen a cidade de costas á cidadanía. Hoxe queremos deixar claro que Ourense é Común, é de todas, por iso estamos aquí. Porque queremos democratizar as institucións e decidir que cidade queremos, temos moito que aportar para mudar o xeito de facer as cousas, somos axentes transformadores, sexamos conscientes disto e actuemos.

Aquí nace Ourense en Común, para integrar vontades de cambio, superando as diferenzas, para ser capaces de acadar a confluencia dende a confianza mutua, entre as persoas, entre os colectivos, só así poderemos gañar a cidade. Non será a victoria duns sobre os outros. Será a victoria de todas, a que Ourense necesita.

Cambiar a orde das cousas e do xeito de gobernar a cidade é un reto difícil e ambicioso, pero tamén ilusionante, precisamos de artellar mecanismos e instrumentos que permitan á cidadanía facer parte das decisións relevantes e intervir na política municipal. Queremos confluír coas iniciativas e movementos activos na cidade, para que, indo máis aló da suma de siglas, sexamos quen de construír un proxecto común.

En Ourense en Común hai amor por esta cidade e vontade e entusiasmo, e confianza na cidadanía para transformar a vida municipal, dende a equidade, a xustiza social e a participación democrática. Hai a fermosa convicción de que a confluencia é imprescindible se queremos gañar. Non gañar unhas eleccións se non gañar a cidade para as veciñas e veciños. En Ourense en común aprendemos facendo, colaborando, comunicando… Hai ideas, hai debate, pero sobre todo, hai persoas.

Aquí contamos todas, pero sobre todo conta o ben común.

Moitas Grazas e Benvidas!!

Presentación

Asinaches o manifesto de Ourense en Común? Tes pensado facelo? Pensáchelo pero aínda non te decidiches porque non gostas dos medios telemáticos? Queres saber máis sobre o que propón antes de apoialo? Hai un mundo de razóns para vernos o xoves 18 ás 20 horas na Praza Maior. Un espazo para confluír e construír, un espazo para participar.

Ourense en Común xa está aquí con 300 adhesións. É o momento de desenvolver a proposta, presentala publicamente, abrila á participación e amosar toda a súa potencia cun acto masivo.

Contamos contigo!