O goberno de Ourense descoñece os motivos da paralización das obras no albergue de peregrinos

O goberno de Ourense descoñece os motivos da paralización das obras no albergue de peregrinos

• Hai semanas que Ourense en Común pide explicacións nas xuntas de área ás que nin o edil responsable de Turismo nin o de Urbanismo dan resposta.
• As obras iniciáronse en agosto de 2016 para dezasete meses, e “trinta meses despois están paralizadas”.
• Jorge Pumar fala “á lixeira” de rumores sobre a estrutura do edificio, sen interesarse nin pedir explicacións á Xunta polo que está a acontecer.

    Ourense en Común alerta sobre a paralización das obras no futuro albergue de peregrinos situado na confluencia entre as rúas da Barreira e a da Burga, e dos motivos para tal parálise, que o goberno municipal dí descoñecer “ou é que non queren saber”.

    O edificio, cedido á Xunta a mediados de 2016 para que acometera as obras, coa previsión de que o novo albergue estivera inaugurado xa en 2017, continúa a día de hoxe pechado. Un proxecto do que o propio alcalde “presumiu” ao inicio das obras e sobre o que a actitude do seu equipo de goberno, manifesta “un total desinterés”.

    Durante sucesivas semanas, Ourense en Común vén interpelando nas xuntas de área ao edil responsable de Turismo sobre a situación da obra e o motivo de que estea parada, obtendo reiteradas “evasivas” de Jorge Pumar, que onte falou “alegremente” de que “hai rumores de problemas na estrutura”,sen darlle maior importancia á gravidade da cuestión, e escurrindo o bulto”, traspasando a responsabilidade ao seu compañeiro á fronte de Urbanismo, Jesús Cudeiro, que literalmente dí que “non tén nin idea destas obras”.

    Ourense en Común apunta á “incapacidade, irresponsabilidade, e desidia” deste equipode desgoberno”, que está sumindo á cidade nunha “deriva permanente” da que ninguén se fai cargo.

Ourense en Común promove solucións á dobre fila na contorna do colexio dos Rosais

Ourense en Común promove solucións á dobre fila na contorna do colexio dos Rosais

• O cambio a aparcamentos en batería na rúa José Antonio Nieves Conde, duplicaría as prazas e pacificaría o tráfico na contorna do Colexio Público Amadeo Rodríguez Barroso e o Parque Anxelita Paradela.
• A moción traslada o sentir da comunidade docente e das nais e pais do alumnado do centro educativo.
• A proximidade desta rúa ao Complexo Hospitalario provoca grande demanda de estacionamento e aglomeracións de vehículos estacionados en dobre fila, disparando o risco de atropelos.

    Ourense en Común levará o venres ao debate plenario a situación da rúa José Antonio Nieves Conde, no tocante á configuración do aparcamento e para a redución da velocidade na rúa.

    O vial, de dous carrís, que transcorre paralelo ao Parque Anxelita Paradela, entre as rúas Serra San Mamede e Carlos Velo, foi deseñado inicialmente con dobre sentido de circulación e aparcamentos en liña, e recentemente cambiado a un único sentido de tráfico, sen mudar a distribución dos aparcamentos. O grupo apunta a que “se converteu nunha avenida de dous carrís sen ter en conta a contorna residencial e escolar na que se ubica, sen redutores de velocidade e sen considerar que a funcionalidade única desta rúa é a de aparcar”.

    A moción faise eco das demandas da comunidade docente e dos pais e nais do alumnado do Colexio Público Amadeo Rodríguez Barroso, que solicitan que se pase do actual modelo de aparcamento en liña a outro en batería diagonal; unha medida que duplicaría as prazas, poría solución á dobre fila e beneficiaría ás usuarias do centro educativo e tamén ás do Complexo Hospitalario de Ourense.

    O grupo fai fincapé na necesidade de aumentar a seguridade viaria en toda a contorna do centro educativo e do Parque, introducindo elementos físicos para a redución da velocidade. “Solo o estreitamento da rúa derivado do cambio a aparcamento en batería que propoñemos, faríaa máis lenta e segura”, conclúe Martiño X. Vázquez.

Imaxe: Estado actual da rúa.

Martiño X. Vázquez será o candidato ás primarias de OUeC co apoio de toda a asemblea

Martiño X. Vázquez será o candidato ás primarias de OUeC co apoio de toda a asemblea

• O actual voceiro do grupo no Concello acadou o consenso maioritario da asemblea para encabezar a candidatura de 2019.
• A lista completa para as próximas municipais definirase no mes de outubro.

    A asemblea de validación das candidaturas para as primarias, celebrada onte por OUeC, refrendou por unanimidade de todas as asistentes, a Martiño X. Vázquez como candidato a encabezar a lista electoral de 2019.

    As tres candidaturas presentadas tiñan que ser validadas por 2/3 do total da asemblea, un obxectivo que só acadou a do actual voceiro do grupo no Concello, co 100% do apoio das presentes.

    O proceso de constitución da candidatura para 2019, completarase en outubro, cando se leve a cabo a votación para a escolla do resto de compoñentes da lista a través das persoas censadas.

Elvira López Cuevillas, Begoña Muñoz, e “a miña avoa”, propostas de Ourense en Común ao rueiro

Elvira López Cuevillas, Begoña Muñoz, e “a miña avoa”, propostas de Ourense en Común ao rueiro

• Froito dunha moción do grupo, o Concello abriu á cidadanía un proceso participado para recoller propostas coas que dar nome de muller aos espazos públicos de Ourense.
• Os nomes suxeridos saíron de catro sesións de traballo participado con diversos colectivos da cidade e veciñas a título individual.

    Dentro do prazo establecido no proceso de participación veciñal aberto para a presentación de propostas de mulleres relevantes coas que nomear prazas e rúas do Concello de Ourense, Ourense en Común presentaba esta semana tres suxestións para incorporar aos espazos públicos da cidade.

    O grupo destaca a figura de Elvira López Cuevillas como intelectual, rompedora, estudosa, reivindicativa, rápida, áxil, valente. A que fóra filla de Florentino López Cuevillas resulta un “referente porque “soubo desprenderse das ataduras impostas, vivindo con independencia e sen medo, a costa do seu traballo”, referíndose aos anos nos que exerceu como profesora dos emigrantes, en Holanda, e por ser unha escritora directa, intelixente e audaz”, dirixindo cartas “sen medo a molestar contra aquelo co que non concordaba ou lle parecía inxusto.

    Elvira formou parte moi activa da vida cultural de Ourense, fiel ao Clube de Lectura do Liceo, e moi unida ao Museo Arqueolóxico de Ourense, onde “sendo xa moi maior aproveitaba sempre que podía para ir coñecer os últimos descubrimentos”. O seu nome consta hoxe en día adxunto a persoeiros da cultura, a arte, e as letras no Cemiterio de San Francisco, de entre 50 tan só catro mulleres, unha delas Elvira López Cuevillas.

    A profesora de Lingua Galega e Literatura, de Iniciación á Arte Dramática e de Diversificación Curricular no IES Otero Pedrayo, Begoña Muñoz Saá, figura tamén nas achegas presentadas polo grupo ao rueiro. Destacan o seu valor como dramaturga, sendo autora de diversas pezas teatrais e polos seus múltiples traballos de adaptación de obras despois representadas pola compañía Sarabela Teatro. Begoña sempre foi crítica coas inxustizas dun mundo “acomodado” para os homes e reivindicativa por un cambio en feminino.

    Entre as propostas, o grupo tamén quere facer un recoñecemento xeral ás avoas ourensás e galegas, poñendo en valor o seu papel invisible, nomeando algunha rúa ou praza como “A miña avoa”. “Non se xubilan nunca, son super-heroínas sempre dispostas a axudar a sustentar as economías familiares. Foron avoas-nais dos cativos e cativas na ausencia das proxenitoras nos anos de éxodo das aldeas cara as cidades e cara outros países, e son coidadoras e educadoras imprescindibles nestes tempos en que os traballos complican a conciliación da vida persoal e profesional”.

Ourense en Común chama ás mulleres a secundar a folga feminista do 8 de marzo

Ourense en Común chama ás mulleres a secundar a folga feminista do 8 de marzo

• O grupo presentou unha moción conxunta co PSOE para que o Concello apoie a mobilización.
• Ledicia Piñeiro: “O 8M imos dicir: movede este mundo sen a forza de traballo das mulleres“.
• A folga de mulleres persegue mudar o actual modelo patriarcal a un mundo de igualdade, xustiza, paridade, liberdade, diversidade e democracia.

    Ledicia Piñeiro, concelleira de Ourense en Común, xunto coa deputada de En Marea pola provincia de Ourense, Ánxeles Cuña, facían esta mañá un chamamento ás mulleres ourensás para secundar a folga do 8 de marzo, xa que “temos o dereito e imos a facelo. As mulleres diremos: a ver como movedes o mundo sen a nosa forza de traballo. Sen os nosos coidados, sen as nosas ferramentas, sen as nosas mans, sen os nosos brazos, sen as nosas cabezas.

    Ledicia Piñeiro explicaba que aínda que o feminismo e a cuestión de xénero “está moi na boca de todas, pero queda moito por pelexar”. A edil referíase como unha pequena conquista” a admisión a trámite da Lei pola igualdade retributiva aprobada onte, “froito de moito traballo e grazas a loitas como a que imos ter o 8 de marzo”.

    A concelleira mencionaba as agresións sexuais, o feminicidio, a mentira da conciliación, as desigualdades salariais, ou a invisibilidade das mulleres nos espazos de representación pública, para concluír que “hai moitos motivos que nos interpelan a secundar esta mobilización”.

    Ourense en Común levará ao pleno de marzo unha moción, presentada conxuntamente co grupo socialista, para que desde o Concello se apoie a mobilización, incluíndo tamén nos acordos a petición de elaborar un informe sobre a situación dos traballadores e traballadoras municipais, que inclúa medidas para eliminar calquera discriminación de xénero, e para facilitar a conciliación da vida laboral, familiar e persoal.

Dous anos en precario: as deficiencias na ORA e o guindastre volven en marzo ao pleno do Concello

Dous anos en precario: as deficiencias na ORA e o guindastre volven en marzo ao pleno do Concello

• Unha empresa vencellada ao grupo Vendex, investigado na Operación Pokemon, presta estes servizos co contrato caducado desde maio de 2016.
• OUeC xa solicitara antes da finalización do contrato que se valorase a remunicipalización dos servizos.
• O goberno de Jesús Vázquez incumpre o acordo plenario e vai camiño dos dous anos mantendo un servizo “obsoleto e deficiente”.

    Ourense en Común levará de novo en marzo ao pleno municipal a petición de explorar as posibilidades para unha xestión municipal do servizo da ORA e guindastre; unha proposta que o grupo xa sacara adiante no pleno de abril de 2016 (cos votos a favor de toda a oposición), e que o goberno aínda non asumiu.

    “Hai dous anos que advertimos da inminente extinción do contrato e amosamos a nosa vontade de colaboración para avaliar a mellora do servizo, pero a día de hoxe Ourense segue pagando por un servizo obsoleto a unha empresa corrupta”, valora Martiño X. Vázquez. O voceiro de Ourense en Común conclúe que ao marxe da “sabida incapacidade de previsión do goberno municipal, mantendo un de tantos contratos públicos en precario, o proceder con estes servizos “evidencia unha falta de respecto ao propio Pleno e un menosprezo á vontade de colaboración para sacar Ourense da parálise”.

    Ourense en Común defende a “necesidade” de que estes servizos se presten axeitadamente, “para favorecer a rotación naquelas zonas máis saturadas de tráfico”, como tamén o apuntan os datos do Plan de Mobilidade Urbana Sustentable do Concello, e aposta pola xestión directa desde o propio Concello, para “garantir a calidade e efectividade”.

    Entre as deficiencias do servizo, apuntan á necesaria actualización de rúas con zona azul”, analizando os “novos polos de atracción de tráfico: residencia, estación, etc…”, ao abusivo” das franxas de prezos “sempre á alza sen posibilidade de devolución nin cambio, ou á antigüidade das máquinas, que “non facilitan modalidades de pago, nin rexistro de matrículas para residentes”.

    Na actualidade, a empresa concesionaria -filial de Vendex- mantén a prestación en precario, “prorrogando as deficiencias apuntadas e outras derivadas da propia caducidade do contrato”.

    Perante as reiteradas preguntas da oposición á concelleira responsable en materia de contratación, Ana Morenza remite toda a responsabilidade ao concelleiro Carlos Campos, e como apunta Martiño X. Vázquez, “así fai con todo este goberno, pasan a pelota duns a outros pero non traballan, e un día por outro teñen a Ourense sumida nunha parálise”.

The Tetas Van: proposta de OUeC ao Premio Clara Campoamor

The Tetas Van: proposta de OUeC ao Premio Clara Campoamor

• A banda ourensá, composta maioritariamente por mulleres, é a proposta da Marcha Mundial das Mulleres e Ourense en Común para recibir o premio á igualdade de oportunidades.
• Letras e músicas creadas por mulleres conforman o repertorio de The Tetas Van, reivindicando o protagonismo das mulleres no panorama musical.
• A Concellería de Igualdade de Ourense entrega este recoñecemento desde o ano 2007.

    Convocada a XII edición do Premio Clara Campoamor á igualdade de oportunidades entre mulleres e homes,  Ourense en Común remitía esta semana ao Concello de Ourense, a proposta de outorgar o galardón á banda ourensá The Tetas Van, conformada maioritariamente por mulleres.

    Ourense en Común respalda así a proposta da marcha Mundial das Mulleres para o Premio, “dándolle maior peso á proposición e evitando desviar a atención en propostas diferentes“.

    Nos preto de 7 anos de existencia do grupo, The Tetas Van teñen percorridas as catro provincias galegas en máis dun cento de concertos, cunha proposta musical divertida e reivindicativa na que “a igualdade e a equidade son os seus eixos fundamentais, visibilizando, en primeira persoa do plural, ás mulleres no mundo”, apunta a concelleira Ledicia Piñeiro.

    A proposta cultural de The Tetas Van pon enriba da mesa o “necesario protagonismo das mulleres no escenario”. As súas músicas toman corpo a través de mulleres, a súa voz é feminina, as súas letras falan de mulleres e/ou da vida dende unha perspectiva feminina, cedendo a súa voz para cantar textos de mulleres, e os seus instrumentos para interpretar obras compostas por mulleres. “Son a voz das mulleres do pasado, altavoz das mulleres do presente, e exemplo para as mulleres do futuro”.

    Explica Ledicia Piñeiro que é “innegablea contribución de The Tetas Van por visibilizar ás mulleres nun ámbito tan masculinizado como é o musical”, aportando os seus sons e as súas melodías á “loita contra a minusvaloración da muller no mundo da música en particular, e da cultura en xeral”.

    No histórico do palmarés do Premio Clara Campoamor, atópanse colectivos e mulleres como o Centro de Orientación Familiar (2009), a Asociación de Mulleres Separadas e Divorciadas da provincia de Ourense (2010), a Marcha Mundial das Mulleres (2011), a ex-xefa da unidade contra a violencia sobre a muller da Subdelegación do goberno en Ourense, Purificación Álvarez Villamarín (2012), a secretaria xeral de CCOO en Ourense, Ana Barrios (2013), a Plataforma Galega polo dereito ao aborto (2014), a directora de Sarabela Teatro, Ánxeles Cuña (2015), ou os Equipos de Futbol-Sala Feminino “Ourense Envialia” e “Cidade das Burgas” (2016). O máis recente, de 2017, suscitou polémica por seren outorgado por vez primeira a un home, o fiscal Julián Pardinas, por imposición do voto da Concelleira do Partido Popular Sofía Godoy.

Primarias Ourense en Común 2019

Primarias Ourense en Común 2019

Por terceiro ano consecutivo a xornada RePensar OueC, celebrada o pasado 27 de xaneiro, servía para avaliar o estado do proceso municipalista e trazar a folla de ruta de cara a 2019. Un novo impulso!

Despois de máis de oito horas de reflexión conxunta, por máis de medio cento de persoas participantes na xornada, aprobouse o Regulamento de Primarias garante dos seguintes principios:

– Ser transparente en todas as súas fases.
– Dar reflexo da pluralidade de persoas que integran Ourense en Común.
– Garantir un equilibrio entre a apertura do proceso e o grado de aceptación das candidatas entre as participantes de Ourense en Común.
– Ofrecer un trato igualitario e xusto para todas as persoas que concorran ao proceso de elección.
– Garantir a participación cidadá no proceso de elección.
– Establecer un sistema de garantías axeitado que asegure o seu cumprimento.

? DESCARGA O REGULAMENTO EN FORMATO .pdf 

? CONSULTA ONLINE O REGULAMENTO EN ISSUU

 

Seguindo o cronograma establecido xa é posible:

INSCRIBIRSE NO CENSO  ✍ PARA PODER VOTAR NAS PRIMARIAS DE OURENSE EN COMÚN ❗Ata o 18 de febreiro ❗

? Enche o seguinte formulario web:

https://www.cognitoforms.com/Ouec1/CENSOPRIMARIASOURENSEENCOMÚN2019

 

PRESENTAR CANDIDATURA ? PARA ENCABEZAR A LISTA  DE OURENSE EN COMÚN NO ANO 2019 ❗Ata o 17 de febreiro ❗

? Enche o seguinte formulario web:

https://docs.google.com/forms/d/e/1FAIpQLSeirr2oZAzVh781VkbNstlCo1Y5F2YHXEcC7XB3WaraN0Jvpg/viewform

 

Para calquera dúbida, contactar co Comité Electoral a través do ? correo electrónico ?ouec.2019@gmail.com

O convenio entre Expourense e Marrocos viola a legalidade internacional

O convenio entre Expourense e Marrocos viola a legalidade internacional

• Ourense en Común pide que se retire o acordo, por ir en “contra dos dereitos do pobo saharaui, o lexítimo soberano desa rexión”.
• O convenio asinado coa rexión de Dakhla lexitima a ocupación do Sáhara a mans de Marrocos.
• O Partido Popular prioriza os negocios por enriba dos dereitos humanos e as resolucións da ONU.

    Ourense en Común rexistraba hoxe unha petición á alcaldía de Ourense, como integrante do patronato de Expourense, para que se retire o acordo asinado coas autoridades marroquís para o vixésimo aniversario de Xantar, “por violar o dereito internacional”.

    O Sahara Occidental, onde está a rexión de Dakhla, coa que se asinou o pasado xoves o convenio, é un territorio invadido por Marrocos en 1975 e que ata hoxe segue nun conflito pendente de resolución e descolonización. O grupo denuncia a estratexia de Marrocos asinando este e outros acordos con municipios e institucións europeas “co único obxectivo de consolidar a ocupación dese territorio”.

    Son incontables as resolucións das Nacións Unidas que acreditan que “a soberanía do Sáhara Occidental é do pobo saharaui e calquer acordo ou convenio deste tipo ten que ter a aprobación dese pobo a través do seu lexítimo representante, o Fronte Polisario”.

    Martiño X. Vázquez apunta a que hai unha “desvergoña endémica para cos colonizadores”, facendo referencia á recente visita do presidente da Xunta a Israel, e á recepción do alcalde de Ourense ao embaixador dese país, “outro estado que vulnera toda legalidade internacional en relación aos dereitos do pobo palestino” .

    O voceiro de Ourense en Común conclúe que para o Partido Popular “os negocios están por enriba dos dereitos humanos, e lembra que “namentres uns recollemos e enviamos material de axuda humanitaria para o Sáhara, o Partido Popular mostra a súa hipocresía, traendo nenos refuxiados a pasar o verán ao tempo que incentiva os negocios con estados que manteñen o racismo, a xenofobia, a colonización e o apartheid”.

Ourense en Común recolle este sábado a voz do barrio da Ponte

Ourense en Común recolle este sábado a voz do barrio da Ponte

• Entre as 12h e as 14h a veciñanza da Ponte terá ao seu dispor unha cámara e un micro para denunciar e propor melloras para o barrio.
• O pleno aprobou hoxe unha proposta do grupo para poñer en valor a historia do barrio, coa creación dun “Museo de Canedo” no que poidan conservarse os restos do extinto Concello.

    Unha cámara percorre a cidade. As veciñas toman a palabra. Que lle pasa ao barrio? Está vivo o barrio? Como podemos melloralo? E se ti foses alcaldesa de Ourense, que farías polo teu barrio?

    Ourense en Común comezará este sábado a dar continuidade, no barrio da Ponte, ás accións de rúa que xa celebrara en 2015, e nos próximos meses irá percorrendo a cidade facilitando a participación activa da veciñanza,cedéndolles a palabra para comunicar, denunciar, aconsellar, e compartir as súas opinión acerca do espazo da cidade onde habitan”. O grupo quere fomentar a idea duns “barrios vivos, con espazos para o encontro nas rúas e prazas”.

    A campaña consiste na instalación dun espazo efémero, durante dúas horas, no que unha cámara de vídeo e un micrófono estarán á disposición das veciñas e veciños, para exercer o seu dereito de libre opinión e xenerar debate.

    A primeira parada desta campaña celebrarase este sábado, entre as 12h e as 14h, no inicio da Ponte Vella, na marxe de Canedo.