2018 chega a Ourense como “o cuarto ano consecutivo sen orzamento na cidade”

2018 chega a Ourense como “o cuarto ano consecutivo sen orzamento na cidade”

• Tras case 1.000 días de goberno, o equipo de Jesús Vázquez falsea a realidade para agochar unha cidade paralizada.
• PP, DO e PSOE priorizan dotarse de máis asesores para a campaña 2019, namentres a cidade continúa coas contas de 2014.
• A Coruña aprobou hoxe o terceiro orzamento municipal desde que goberna a Marea Atlántica.

    Ourense en Común calificaba hoxe de “vergoña” que “empece outro ano sen que a cidade conte con orzamentos”, e denuncia que os tres grupos maioritarios “pensen só no seu propio persoal namentres a cidade está paralizada”.

    Ourense continúa co mesmo orzamento aprobado para 2014, do que o 40% dos fondos están sendo “desviados ao antollo do Partido Popular, a golpe de decreto” do alcalde, en moitos casos “en contra dos informes de intervención”, e co único fin de “salvar os números vermellos derivados da ineptitude deste equipo de goberno”, poñendo como exemplo o burato” nas áreas sociais do Concello orixinado por Sofía Godoy.

    O grupo incide na visión de Jesús Vázquez e os seus edís como “a peor alcaldía da historia deste Concello”, que “mantén a cidade paralizada namentres aparenta unha falsa normalidade apoiándose na enxeñería contable co diñeiro de todos os ourensáns, e co soporte dos seus socios de partido na Xunta e a Deputación”.

    Martiño X. Vázquez, voceiro do grupo, lamenta que Ourense viva nunha progresiva ruína” e tacha de irresponsables” a Democracia Ourensana e o Grupo Socialista, por “priorizar o seu propio beneficio” en referencia á modificación de gasto en persoal “promovido por DO, consentido polo goberno e aproveitado polo PSOE”.

Ourense en Común esixe o traslado urxente de todo o persoal exposto ao radón

Ourense en Común esixe o traslado urxente de todo o persoal exposto ao radón

• O grupo apoia as reivindicacións da CIG e o SPPME, que reclaman medidas preventivas para todo o persoal municipal.
• O goberno aínda non ten preparados os traslados para o persoal na Cárcere da Coroa, onde tamén hai altas concentracións do gas.
• O PP pode estar incorrendo nun delito contra a saúde pública, obviando desde hai meses a normativa sobre a información e protección dos traballadores.

    Ourense en Común manifestaba hoxe a súa solidariedade e apoio ás reivindicacións da CIG e do sindicato maioritario da Policía Local, que reclaman a ampliación das medidas preventivas sobre a exposición ao gas radón a todo o persoal municipal, e para que se informe sobre os seus efectos no comité de seguridade do Concello.

    Hai meses que o grupo vén advertindo da “falta de dilixencia do PP fronte aos alarmantes datos extraídos das primeiras medicións” e acusa ao goberno de “mover ficha agora, cando as medicións propias de OUeC revelaron que as concentracións duplican o permitido pola OMS, con picos de ata 7 veces superiores. Martiño X. Vázquez, declaraba esta mañá que ademais do traslado dos alguacís, “é necesario tomar medidas urxentes en outras dependencias”, en referencia á Cárcere da Coroa, onde as concentracións tamén son elevadas.

    O voceiro do grupo aclara que o goberno non é culpable da presencia do gas, pero sí responsabiliza ao PP dunha mala xestión” a sabendas da alta concentración en diferentes dependencias municipais e do impacto que supón nas persoas. “É un problema de saúde pública e especialmente de seguridade laboral”.

    Ourense en Común esixe ao PP a ser “transparente na xestión deste problema, aseguran que “vixiaremos de perto as medidas correctoras” e aclaran que de non ser axeitadas, “animaremos a calquera traballadora a defender a súa saúde e os seus dereitos noutras vías, xudiciais se é necesario”.

O goberno de Ourense ignora as recomendacións da Confederación Hidrográfica fronte á escaseza de auga

O goberno de Ourense ignora as recomendacións da Confederación Hidrográfica fronte á escaseza de auga

• Ourense aínda non conta cun Plan de Emerxencias Municipal, obrigatorio desde hai máis de dez anos.
• O Concello vive nun momento incerteza cun alcalde que manifesta descoñecer ata cando está garantido o subministro de auga nos fogares.
• O Partido Popular e Democracia Ourensana rexeitaron no pleno do venres estudar a situación dos recursos hídricos da cidade.

    Ourense en Común reiterábase hoxe alertando da extrema gravidadede que Ourense non conte aínda cun Plan de Emerxencias Municipal, e denuncia que o goberno da cidade non fai os deberes, desouvindo os requirimentos da Xunta e a Confederación Hidrográfica”, en referencia á situación de seca que está a sofrer o país.

    O grupo pide ás dereitas da cidade “que rectifiquen os seus erros no pleno do pasado venres, o PP “desacreditando” ao presidente da Xunta e á Confederación, e Democracia Ourensana “negando o problema, rexeitando ambos grupos a proposta de OUeC para facer un necesario seguimento dos recursos hídricos do Concello”.

    Simultáneamente ao transcorrer do pleno, a CHMS pedía aos concellos como o de Ourense, actuacións de urxencia, adaptando os Plans de Emerxencia Municipal para paliar os efectos da seca. A realidade de Ourense é que nin tan sequera temos tal Plan, cando hai máis de dez anos que é obrigatoriopor Lei nos Concellos de máis de 20.000 habitantes.

    Ourense en Común lembra que en 2012 o PP solicitaba a redacción dun PEMU desde a oposición, e “agora no goberno non fixo nada, incumplindo dous acordos plenarios impulsados pola oposición na vixente corporación, e deixando nunha total incerteza a seguridade e protección dos ourensáns”.

    Con esto, o grupo entende que o peor alcalde da historia de Ourense é tamén o “máis neglixente”, por manter “gardado nun caixón todo o que a cidade precisa” –orzamentos, RPT, PEMU-, “condenándoa a unha completa parálise, que non se arranxa con fotos e luces de cores, senon con traballo”.