Ourense en Común reclama o centro de saúde do Vinteún

Ourense en Común reclama o centro de saúde do Vinteún

• Oito anos despois de iniciarse os trámites para a construcción do equipamento, o estado de execución é do 0%.
• O centro de saúde da Ponte está colapsado atendendo a un cuarto da poboación do Concello.

    Ourense en Común leva este venres ao pleno de Ourense a construcción do “necesario” centro de saúde do Vinteún, “unha demanda histórica do barrio e unha promesa de máis de oito anos, xa que fora en febreiro de 2009 cando se abrira o expediente para a redacción do proxecto básico e de execución do equipamento. Desde entón, o expediente superou en 2013 un contencioso administrativo contra a licenza de construción, e nada se avanzou nos últimos anos.

    A petición de Ourense en Común, o Grupo Parlamentario de En Marea interpelaba o pasado 17 de outubro ao goberno da Xunta sobre “as razóns da demora, e as previsións para executar o centro de saúde”,  ao que a Consellería de Sanidade respondía dicindo que era “responsabilidade municipal”.

    Foi por isto que Martiño X. Vázquez, voceiro de Ourense en Común, levou a cuestión á Xunta da Área de Urbanismo e Vivenda celebrada o 24 de outubro, recoñecendo o concelleiro responsable, Jesús Cudeiro, “descoñecer a responsabilidade municipal da que fala a Consellería”.

    Ourense en Común entende que “este desleixo” administrativo debe ser “inmediatamente reparado, apelando ao Partido Popular a comprometerse coa saúde pública e intervir para resolver este bloqueo e dotar ás veciñas do Vinteún dunha atención sanitaria no seu barrio.

Ourense en Común solicita que o PXOM se tramite con todos os grupos

Ourense en Común solicita que o PXOM se tramite con todos os grupos

• As dúas reunións a porta pechada entre PP e DO sobre o documento, evidencian que “as dereitas teñen o seu propio plan ao marxe da transparencia”.
• O grupo considera un “disparate” que o PP fale de “negociación” para referirse ao futuro desenvolvemento da cidade, “unha cuestión de interese público”.
• O edil de urbanismo, que xa o fóra con Manuel Cabezas, está repetindo as graves irregularidades que acabaron coa anulación do Plan de 2003.
• Cudeiro introduciu máis de 100 modificacións no documento para favorecer os intereses de promotores inmobiliarios, e construtores “con nomes e apelidos”.

    Ourense en Común solicitaba hoxe formalmente ao edil responsable de urbanismo, José Jesús Cudeiro Mazaira, que “reúna a todos os grupos” para abordar a recta final do PXOM e “asuma que os pelotazos que el mesmo introduciu no plan, son os que fan imposible o consenso”.

    O grupo entende que as reunións que o Partido Popular está mantendo a porta pechada” con Democracia Ourensana,  evidencian “intereses ocultos nun plan das dereitas da cidade”, deixando a un lado a transparencia e o interese público do futuro desenvolvemento urbanístico de Ourense, que “de ningunha maneira ten que tratarse como unha negociación”.

    Martiño X. Vázquez, voceiro de OUeC recalca que o documento que está poñendo o Partido Popular sobre a mesa “non é o que se espuxo ao público, e conclúe que Cudeiro, que tamén era responsable de urbanismo co goberno de Manuel Cabezas, “está repetindo agora o mesmo ciclo de irregularidades que xa fixera co Plan do 2003”, e que provocaron que o plan fose anulado polo Tribunal Superior de Xustiza de Galicia primeiro, e polo Supremo de forma concluínte.

A situación de seca en Ourense debaterase no pleno do venres

A situación de seca en Ourense debaterase no pleno do venres

• Ourense en Común levará á sesión plenaria unha moción para crear un ente para un seguemento permanente da situación hídrica no Concello.
• A situación de seca afecta xa directamente ao día a día das veciñas, incrementándose as tarifas eléctricas, o gas, ou os alimentos, e incidindo na calidade do aire.

    Ourense en Común defenderá no pleno do venres a creación dunha comisión que traballe sobre a situación hidrolóxica de Ourensecon medidas efectivas no aforro de auga e para subsistir ante a posibilidade dunha situación de escaseza de auga e cortes nas subministracións dos fogares”.

    O grupo entende que o procedemento que están a levar o Concello de Ourense e a empresa adxudicataria da xestión do abastecemento e o saneamento da agua en Ourense, Viaqua, é insuficiente”, porque “as medidas adoptadas inciden soamente no consumo do Concello como institución”, o que representa unha pequena porcentaxe do total de consumo que inflúe na seca”.

    A moción recolle posibles solucións, como reducir as fugas nas redes de subministración (estímase que entre un 30% e un 35% da auga pérdese por este motivo), modernizar a xestión, controlando o consumo de pozos e acuíferos e incentivando a reciclaxe de auga por parte da industria ou cambiar as técnicas agrícolas a modelos máis sustentables”.

    Ledicia Piñeiro, edil de Ourense en Común, declara que “é imprescindible e urxente estudar en profundidade o impacto presente e futuro das secas e incorporar esa información nos futuros plans hidrolóxicos, e superar as suposicións grosas de se vai chover o dobre ou a metade a anos vista”.

Unha palestra achega hoxe a Ourense as facilidades para contratar luz verde e galega

Unha palestra achega hoxe a Ourense as facilidades para contratar luz verde e galega

• Ourense en Común promove o acto en colaboración coa cooperativa Nosa Enerxía da que son socias, que comercializa só enerxía renovable.
• A ponencia será a partir das 19h00 no Espazo en Común das Burgas, con entrada aberta a calquera veciña interesada.

    Hoxe xoves, o Espazo en Común de Ourense acolle a partir das sete da tarde unha palestra baixo o título “Elixe enerxía verde galega”, na que se darán a coñecer as facilidades para contratar enerxía renovable e galega para o consumo diario dos fogares.

    O acto está promovido por Ourense en Común, “como socias da cooperativa galega Nosa Enerxía SCG”, e nel participarán, ademais do presidente desta pequena comercializadora, Pablo Álvarez, diferentes socias e usuarias que xa mudaron a súa factura “a este modelo máis verde e sustentable”, que achegarán de primeira man a súa experiencia particular, e o delegado da cooperativa na nosa cidade, Xosé Antón Dorrío, que resolverá calquera dúbida ou consulta que as participantes poidan ter e facilitará toda a información a quen desexe mudar a súa factura.

    Desde Ourense en Común, defenden como necesario” o cambio no modelo enerxético, que contribúa á “salvagarda do medio ambiente e aposte por enerxías limpas e baseadas na economía social, promovendo os valores e oportunidades da nosa terra”, e convidan á cidadanía de Ourense a achegarse a esta charla informativa, “as pequenas decisións en cada unha de nós son suficientes para comezar a transformar a realidade”.

Sofía Godoy ignora unha vintena de propostas na programación do 25N

Sofía Godoy ignora unha vintena de propostas na programación do 25N

• O Concello usa un lema que “silencia as situacións e consecuencias da gravidade das violencias machistas”.
• Entidades feministas foron convocadas para achegar ideas no Consello Municipal de Igualdade que agora non se reflicten no programa.
• A programación é totalmente low-cost, desbotando eventos xa consolidados nesta data como o Festival Voces Femininas.

    Ourense en Común manifestaba esta mañá o seu descontento” coa programación presentada esta mañá polo Concello de Ourense ao redor da conmemoración do 25N, Día contra as violencias machistas.

    A edil do grupo, Ledicia Piñeiro, criticou a demora na presentación da programación, a opacidade coa que en sucesivas xuntas de área a concelleira responsable, Sofía Godoy, “leva agochando o programa, e o caso omiso” da edil popular ás “máis de vinte propostas achegadas por entidades de mulleres no Consello Municipal de Igualdade tras seren requiridas a corresponsabilizarse axudando na programación para esta data, “e agora as súas iniciativas non aparecen recollidas”.

    O lema elixido #NonseveperoÉ  é outro dos motivos de crítica de Ourense en Común, entendendo que “non é o máis educativo nin concreto sobre a problemática. Ledicia Piñeiro valora que invisibilizar e dicir que a violencia machista está agochada ou é sutil, minoriza unha cuestión grave,  pública e notoria. A concelleira de Ourense en Común aclara que  o problema non é invisible, é de quen quere invisibilizalo ou non o quere ver”.

    O grupo considera que o equipo de goberno “non está a dar a este día a importancia que require”, por presentar unha “programación low-cost, sen investimento, que deixa ás claras as prioridades do PP.

    Ledicia Piñeiro considera necesarias e urxentes “iniciativas máis dignas e ambiciosas contra esta lacra, con “campañas de continuidade durante todo o ano para erradicar as violencias contra as mulleres, que si se ven, que son, que están e existen, e que non son tarefa dun só día nin dunha foto.

Ourense en Común promove un cambio de nome para a praza Alférez Provisional

Ourense en Común promove un cambio de nome para a praza Alférez Provisional

• O grupo suxire o nome do arquitecto ourensán Vázquez-Gulías para esta praza na que se ergue a obra máis representativa do modernismo da cidade, a Casa Taboada.
• Dez anos despois de entrar en vigor, Ourense incumpre a Lei de Memoria Histórica e mantén aínda numerosos vestixios da ditadura franquista.
• Unha moción do grupo fixo que o Concello de Ourense retirara a medalla de ouro da cidade outorgada en 1946 ao ditador.
• O goberno popular non deu cumprimento aínda á moción de OUeC aprobada no pleno para a retirada de símbolos da Falanxe e do ministerio de vivenda franquista en diferentes edificios da cidade.

    Coincidindo co 42º aniversario da morte do ditador Francisco Franco, Ourense en Común manifestábase hoxe sobre a necesidade de “acabar definitivamente coas moitas manifestacións que en Ourense aínda se manteñen do réxime, e avanzaba que levará ao próximo pleno de decembro unha moción promovendo o cambio de denominación da Praza Alférez Provisional.

    O grupo insiste no fundamental de cumprir coa Lei de Memoria Histórica e de seguir a evolucionar”, explicando que “a ninguén se lle ocorre seguir chamando General Franco a Progreso ou Capitán Eloy a Concordia”. Entenden que esta praza é “outro vestixio franquista que debeu eliminarse do noso rueiro hai tempo e conclúen que “calquer demócrata debera entender que non ten sentido seguir chamándolle Alférez Provisional” a un espazo que valoran como idóneo” para homenaxear á figura de Vázquez-Gulías, “antes de que a Casa Taboada”- que se erixe na praza-, “se perda definitivamente no abandono e a ruína na que se atopa”, e aproveitando o expediente de honra a favor do ilustre arquitecto aprobado recentemente no Concello.

    Malia a suxerir o nome de Gulías, o grupo deixa aberta a elección” do novo nome para este espazo, e aposta por que sexa a propia veciñanza de Ourense quen o decida mediante un proceso participativo”.

    O grupo continúa con esta moción a súa cruzada por unha rexeneración democrática real apremiando á “desaparición dos símbolos fascistas das rúas e espazos de Ourense”, como xa fixeran levando ao pleno a retirada das placas franquistas en vivendas, apuntando a que “o Concello aínda non cumpliu con ese acordo plenario” e  lembrando que “tivemos que chegar nós ao Concello para que se retirara a medalla da cidade outorgada ao ditador hai corenta anos.

    Martiño X. Vázquez, voceiro de Ourense en Común, lembraba hoxe a Francisco Franco como o “responsable da época máis triste da nosa historia e de sumir durante 4 décadas a este país na máis terrible escuridade de represión, medo e morte” e avoga por “continuar construíndo un novo relato do pasado onde se poñan en valor ás e aos demócratas e non a quen fixo, apoiou e foi sustento do réxime”.

Nace en Ourense o xérmolo para unha rede municipalista galega

Nace en Ourense o xérmolo para unha rede municipalista galega

• Os alcaldes de Compostela e A Coruña compartiron no Hai Mareas as experiencias desenvolvidas nos concellos que gobernan.
• Máis dun cento de persoas chegadas de toda Galicia participaron no encontro de traballo en código aberto.
• A parálise do goberno de Jesús Vázquez en Ourense fronte aos bos exemplos de Compostela, A Coruña ou Ferrol foi un tema recorrente durante a xornada.
• O horizonte 2019 perfílase para as mareas desde os principios de participación, transparencia e feminización, para facer unha política máis sostible e ao servizo dos cidadáns.

    A cidade de Ourense acolleu hoxe o encontro “Hai Mareas”, no que máis dun cento de persoas vencelladas ao movemento municipalista galego partillaron ferramentas, metodoloxías e experiencias co obxectivo de mirar cara ao 2019 desde a boa praxe na xestión municipal, tomando os exemplos de Coruña ou Compostela, que están poñendo os concellos ao servizo da cidadanía”.

    O alcalde de Santiago de Compostela, Martiño Noriega, xunto ao voceiro de Ourense en Común, Martiño Xosé Vázquez, abriron o encontro manifestando a necesidade de compartir estes espazos de reflexión, debate e traballo” para “aprender e reivindicar xuntas a capacidade do municipalismo na transformación da autonomía social e local”.

    Durante a mañá, tres mesas de traballo abordaron simultáneamente as metodoloxías organizativas de cada proceso municipalista, as experiencias participativas desenvolvidas en concellos como o da Coruña e Compostela, e o funcionamento interno das propias institucións, desde as vivencias en primeira persoa de Martiño Noriega, alcalde de Santiago de Compostela, de edís da Marea Atlántica, Compostela Aberta, Marea de Vigo, e Ourense en Común, e de deputadas de En Marea no Parlamento galego.

    Xa pola tarde, o salón de actos da biblioteca acolleu tres palestras abertas.

    Desde as catro e media, durante a primeira das palestras, dinamizada polo edil de OUeC, Miguel Doval, púxeronse en común as conclusións das mesas de traballo matinais, coincidindo e facendo fincapé na necesidade de “abrir máis aínda as institucións á participación cidadá”, vencellando a vida institucional coa extitucional, e fortalecendo un “espazo común e fraterno onde as mareas camiñemos xuntas”.

    Na segunda palestra da tarde, baixo o título de “contrapoder” e coa participación de movementos e organizacións sociais como a Mocidade republicana galega, Stop Desafiuzamentos, a Plataforma Non ao TTIP, a plataforma en Defensa da Sanidade Pública, a organización estudiantil ANEGA, ou a Masa Crítica de Ourense, o debate centrouse no que os movementos da rúa precisan do municipalismo e das propias institucións.

    Na recta final do encontro, Jorge Duarte (concelleiro no goberno de Compostela), María García (concelleira no goberno da Coruña), Xosé Lois Jácome (concelleiro da Marea de Vigo), e Martiño X. Vázquez (voceiro de OUeC), avaliaron o camiño percorrido polo municipalismo ata hoxe, e as perspectivas, obxectivos e  retos que se plantexan no momento político actual, e de cara á cita electoral de 2019.

    No peche da xornada, o alcalde de A Coruña, Xulio Ferreiro, xunto á concelleira de Ourense en Común, Ledicia Piñeiro, concluíron que “é preciso máis e mellor municipalismo, porque merecemos limpar as institucións de ladróns, corruptos, acosadores, e podemos facelo”.  Xuntas avaliaron o nefasto goberno de Jesús Vázquez na alcaldía de Ourense, “unha cidade paralizada, fronte aos bos exemplos de Compostela, A Coruña ou Ferrol”, e é que si “se pode ter renda municipal, se pode ser transparentes nas contratacións, se pode facer que ningún neno ou nena quede atrás e poidan comer nas súas escolas, que podemos ter terrazas nas rúas sen que sexan un perigo, que podemos ter o monte limpo e vivo...” e infinidade de  probas máis de que “miramos ao inimigo de fronte e con valentía, desafiándoo,  porque somos a xente común e levamos moita fartura enriba”.

    Concluídas as intervencións o artista O Neno Elliot puxo a nota musical á xornada de traballo, interpretando o tema “Venceremos nós”, un “canto optimista e esperanzador para un cambio político desde abaixo, feito pola xente, desde a rúa”.

Ourense en Común solicita a anulación da modificación de persoal artellada por PP, DO e PSOE

Ourense en Común solicita a anulación da modificación de persoal artellada por PP, DO e PSOE

• A normativa determina que esta modificación debe ir vencellada á aprobación duns orzamentos e ter reflexo na Relación de Postos de traballo do Concello.
• O grupo denuncia o “exercicio de enxeñería xurídica e contable” de PP, DO e PSOE para dotarse de máis asesores e auxiliares políticos para a campaña 2019, namentres a cidade segue sen orzamentos.

    Dentro do prazo de 15 días hábiles establecido para presentar reclamacións logo do anuncio do acordo no BOP do 26 de outubro, Ourense en Común rexistraba esta mañá un escrito dirixido ao Servizo de Persoal e Recursos Humanos do Concello, con diferentes alegacións que anularían o acordo do Partido Popular, Democracia Ourensana e o Partido Socialista para incrementar o cadro de persoal eventual.

    O grupo valora como unhavergoña” que os tres grupos maioritarios “pensen só no seu propio persoal namentres a cidade está paralizada, sen PXOM, sen orzamentos, coas taxas de desemprego que temos, coa falta de servizos, coa cantidade de concesións que hai en precario ou pechadas…” e entende que esta modificación “non é a urxencia dunha cidade que vive nunha progresiva ruína pola incapacidade da peor alcaldía da historia de Ourense”.

    Nas alegacións, Ourense en Común expón a “dubidosa interpretación da normativaque fan nos seus respectivos informes o Asesor Xurídico, que “contempla incluso valoracións persoais” e o Xefe de RRHH, Francisco Javier Rodríguez Nóvoa, sobre cuxo nomeamento pesa unha sentenza xudicial de nulidade con indicios claros de que o “cargo foi fabricado á súa medida polo Partido Popular, e que neste caso “obvia a necesidade de que esta modificación teña reflexo na plantilla de postos de traballo municipal, aínda pendente”.

    O grupo denuncia que en ambos informes se fai unha “lectura moi subxectivado artigo 104 da Lei de Bases de Réxime Local, que marca que “el número, características y retribuciones del personal eventual será determinado por el Pleno de cada Corporación, al comienzo de su mandato. Estas determinaciones sólo podrán modificarse con motivo de la aprobación de los presupuestos anuales” [sic].

    Desde que a cuestión de aumentar o persoal de confianza se empezara a tratar no mes de marzo, logo da petición de DO en xaneiro, Ourense en Común mantívose firme “en defensa da racionalidade, a equidade e a proporcionalidade no gasto de diñeiro público, e entende que “esta reforma debe vencellarse á aprobación dos orzamentos, e ser proporcional e equitativa con respecto á representación que a cada grupo lle corresponde democráticamente”.

Ourense convértese mañá na capital galega do municipalismo

Ourense convértese mañá na capital galega do municipalismo

• O encontro #HaiMareas18N recibe este sábado en Ourense a un cento de persoas que traballan a diario poñendo aos concellos ao servizo da veciñanza.
• Os alcaldes de Compostela e A Coruña participarán en diferentes actos da xornada.
• Tres mesas de traballo e tres palestras abertas ao público conforman a programación do encontro.

    Ourense en Común reúne mañá na nosa cidade a un cento de persoas das mareas galegas, nun encontro aberto de “traballo común e intelixencia colectiva que se celebrará en diferentes espazos da cidade ao longo de toda a xornada, co obxectivo de “partillar ferramentas e experiencias, e deseñar un horizonte que en 2019 mude a forma de facer política local”. 

    A programación inclúe tres mesas de traballo simultáneas durante a mañá, sobre participación cidadá, metodoloxías de traballo e vida institucional, para as que o aforo está xa completo, e outras tantas palestras abertas no Salón de actos da Biblioteca Pública desde as catro e media da tarde, nas que as veciñas e veciños de Ourense terán a “oportunidade de comprobar de primeira man como é posible realizar unha política sostible, poñendo no centro ás persoas e as súas necesidades, e non ao servizo dos servizos financieiros como quere impoñer o Partido Popular”.

    Ademais de concelleiras e representantes de todas as mareas galegas, está confirmada a presenza na xornada dos alcaldes de Compostela e A Coruña, os nomeados como “alcaldes do cambio en Galicia”, Martiño Noriega (Compostela Aberta) e Xulio Ferreiro (Marea Atlántica).

    O #HaiMareas18N xurde como iniciativa de Ourense en Común, coa “vontade de facilitar un espazo de debate e análise compartidado camiño percorrido polo municipalismo galego ata o día de hoxe e para “valorar os desafíos e oportunidades aos que o movemento municipalista se enfrenta de cara ao 2019”.

Os orzamentos 2018 da Xunta para Ourense son “restritivos, antisociais e decepcionantes”

Os orzamentos 2018 da Xunta para Ourense son “restritivos, antisociais e decepcionantes”

• Os investimentos son insuficientes para garantir o CAPD, o Centro de Saúde do Vinteún ou unha Casa de acollida, “necesidades históricas do Concello”.
• A cidade volve quedar á cola nas contas, co menor investimento de todo o país.

    A concelleira de Ourense en Común, Ledicia Piñeiro, xunto ás deputadas de En Marea por Ourense, avaliaban esta mañá os orzamentos 2018 da Xunta de Galicia para a provincia.

    Ledicia Piñeiro introducía a rolda de prensa lamentando que despois de máis de dous anos de corporación municipal en Ourense, “sigamos a falar de orzamentos que non son os do Concello”, e engadía que Jesús Vázquez mantén uns orzamentos “prorrogados e desfasados” para as necesidades da cidade,  e está “lastrando servizos sociais fundamentais e especialmente vulnerables, xa que precisan prazos concretos”.

    A edil de OUeC acusa ao PP de “bailar a auga con promesas sen consistencia”, poñendo como exemplo o Centro de Atención a Persoas con Diversidade comprometido en campaña electoral, para o que agora destinan unha partida mínima que “seguirá dilantando un proxecto vital para Ourense ata as próximas eleccións”. No mesmo sentido referíase ao Centro de Saúde do Vinteún, esixindo ao Concello e á Xunta que “deixen de pasarse a pelota, e que dean respostas” para “liberar o saturado centro da Ponte, apuntando tamén á “necesidade de primeira magnitude” dunha casa de acollida para mulleres vítimas de violencia en Ourense, que “asegure unha boa atención”.

    “Ourense volve quedar á cola nos Orzamentos da Xunta para 2018”, o deputado Davide Rodríguez manifestaba así o rexeitamento de En Marea ás contas da Xunta, que volven deixar a provincia e a cidade de Ourense como “a máis castigada polas contas do goberno galego en áreas fundamentais coma a Sanidade, a Xustiza ou as Infraestruturas”.

    A deputada Ánxeles Cuña, que defendeu o traballo interinstitucional entre os representantes locais e autonómicos, denunciou que se a Xunta cualifica estes orzamentos de expansivos, “para Ourense son restritivos, antisociais e decepcionantes”. E defendeu esta tese con datos obxectivos, pois Ourense é a provincia que menos investimento recibe en capítulos fundamentais coma o SERGAS (só o 5% do total de Galicia), xustiza (8%), o Instituto Galego de Vivenda e Solo (8%) ou a Axencia Galega de Infraestruturas (16%). Noutras áreas fundamentais coma Educación, só recibe o 14% do investimento global.

    Ademais, Cuña lembrou que os orzamentos da Xunta se esquecen totalmente do emprego nunha provincia que acapara máis da metade do paro de toda Galicia e onde moitas economías familiares viven dos pensionistas, que tamén se atopan entre os que perceben as pensións máis baixas de todo o Estado.

    Pola súa banda, Davide Rodríguez destacou que Ourense é a cidade que menos investimento real leva de todo o país, 13 millóns de euros “fronte aos 80 que leva Vigo e apuntou que 5M€ van para o enlace de San Cibrao das Viñas coa A52, “que leva orzamentado máis de cinco anos sen executar e que conta coa oposición dunha plataforma cidadá e mesmo do sector dos transportistas”.

    E, segundo Rodríguez, o Goberno de Feijóo volve esquecerse da que debería ser a súa principal preocupación na provincia de Ourense, a fixación de poboación. “Non hai medidas para frear o despoboamento rural, con estas contas seguiremos pechando escolas e veremos reducida aínda máis a calidade da nosa sanidade e mobilidade, denunciou, “ademais de non verse beneficiada malia ser a provincia cos máis graves problemas medioambientais e ecolóxicos”.